Монгол Улсын Их Хурлын 2024 оны 64 дүгээр тогтоолоор батлагдсан “Бүсчилсэн хөгжлийн үзэл баримтлал”-ын хүрээнд манай улс 7 бүсээр хөгжүүлэх бодлого хэрэгжүүлж байна. Үүнд:
Хангай, Баруун, Хойд, Төв, Зүүн, Говь, Улаанбаатарын бүс багтдаг.
Эдгээрээс Говийн бүс нь (Говьсүмбэр, Дорноговь, Дундговь, Өмнөговь) аж үйлдвэр, ногоон эрчим хүчний төрөлжсөн бүс болгон хөгжихөөр тодорхойлогджээ.
“Бүсчилсэн хөгжлийн үндэсний хүрээлэн”, “Оюутолгой” ХХК, “Эрдэнэс Оюутолгой” ХХК гурван талт хамтын ажиллагааны санамж бичиг байгуулсан бөгөөд үүний хүрээнд:
Говийн бүс болон орон нутгийн хөгжлийн төвүүдийг хөгжүүлэх ТЭЗҮ, хөгжлийн хөтөлбөр боловсруулна.
Малчдын шинэ төрлийн хоршооны загвар боловсруулж, туршилтаар хэрэгжүүлнэ.
Иргэд, оролцогч талуудад инновац, технологид суурилсан мэдээлэл, оролцооны систем нэвтрүүлнэ.
Big Data, хиймэл оюун ухаанд суурилсан удирдлага, шийдвэр гаргалтыг бэхжүүлнэ.
Аймгуудын мэргэжилтнүүдийг чадавхжуулах сургалт, мэдээллийн систем бий болгоно.
Хууль, бодлогын уялдаа холбоог хангаж, бүсчилсэн хөгжлийн эрх зүйн орчныг боловсронгуй болгоно.
Төслийн гол зорилго нь:
Өмнийн говийн малчдын амьжиргааг сайжруулах, орлогыг нэмэгдүүлэх
Малын гаралтай түүхий эдийн чанарыг сайжруулах, нэмүү өртөг шингэсэн бүтээгдэхүүн үйлдвэрлэлийг дэмжих
Ажлын байр бий болгох, иргэдийн оролцоог ханган нийлүүлэлтийн сүлжээнд нэмэгдүүлэх
20 жилийн хөгжлийн төлөв байдлын судалгаа дээр тулгуурлан нөөц боломжийг бүрэн ашиглах
Байгаль орчин, нийгэм, эдийн засгийн хүчин зүйлсийг уялдуулсан тогтвортой хөгжлийн бодлого хэрэгжүүлэх
Хөгжлийн явцыг олон нийтэд үнэн зөв хүргэх мэдээллийн ил тод систем бий болгоно.
Хуулийн шинэчлэл, бодлогын уялдаанд иргэдийн идэвхтэй оролцоог дэмжих цахим платформ нэвтрүүлнэ.
Хиймэл оюун ухаан, Big Data зэрэг дэвшилтэт технологийг ашигласнаар орон нутгийн хөгжлийн бодлого илүү оновчтой, үр дүнтэй хэрэгжих боломж бүрдэнэ.
✦ Говийн бүсийн хөгжил нь зөвхөн орон нутгийн иргэдийн амьдралын чанарыг дээшлүүлэхээс гадна Монгол Улсын эдийн засгийн тогтвортой өсөлтийг хангах стратегийн ач холбогдолтой алхам юм.
