2024 оны 12 дугаар сарын 5-ны өдөр Бүгд Найрамдах Парагвай Улсын Асунсион хотноо ЮНЕСКО-гийн Соёлын биет бус өвийг хамгаалах тухай конвенцын Засгийн газар хоорондын хорооны 19 дүгээр чуулганы хүрээнд Монгол Улсын нэр дэвшүүлсэн “Монгол нүүдлийн зан үйл” өвийг хэлэлцэж, хорооны гишүүдийн 100% саналаар албан ёсоор бүртгэж баталлаа.

Энэхүү амжилтаар Монгол Улс ЮНЕСКО-гийн жагсаалтад бүртгүүлсэн 16 дахь өвөө нэмэгдүүлсэн байна.

Монгол нүүдлийн зан үйл өвийн онцлог

• Уламжлалт мэдлэг, зан үйл:

  • Нүүдэллэх нутгаа сонгох, нүүдлийн өдөр судар тогтоох

  • Мал сүрэг зохион байгуулах, бэлчээр, нутагшлыг зохицуулах

  • Буц, суурийг цэвэрлэх, шинэ газар нутгаа аргалах

• Байгаль, мал, хүний харилцан шүтэлцээ:

  • Мал сүргээ байгальтай уялдуулан удирдах

  • Ургамал, амьтны тархац, бэлчээрийн даацтай тохируулан маллах

  • Орчин, экосистемийг хамгаалах уламжлалт мэдлэг

• Оршин тогтносон практик:

  • Алтайн өндөр ууланд тэмээ, Хангайн ууланд сарлаг

  • Говь, тал хээрт тэмээ, хөсөг тэргээр

  • Тайгад цаа бугаар нүүдэллэн амьдардаг

Ач холбогдол

Монгол нүүдлийн зан үйл нь хүний, малын, байгаль орчны харилцан шүтэлцээний тогтвортой систем-ийг илэрхийлдэг. Энэ уламжлалт мэдлэг нь:

• Хүн төрөлхтний соёлын өвийг хадгалах

• Хүрээлэн буй орчны тогтвортой байдлыг дэмжих

• Хүнсний аюулгүй байдал, эрүүл мэнд, нийгмийн нэгдмэл байдалд хувь нэмэр оруулах

Энэхүү батламж нь Монголчуудын соёлын үнэт зүйлс дэлхийд хүлээн зөвшөөрөгдсөн томоохон амжилт юм.

Фото зураг: Д.Баттулга