2026 оны 6 дугаар сарын 5-ны орой АНУ-ын Ерөнхийлөгч Дональд Трамп БНХАУ-ын дарга Ши Жиньпинтэй утсаар ярилцжээ. Цагаан ордны эх сурвалжийн мэдээлснээр, хоёр орны удирдагчид гадаад харилцаа, эдийн засаг, худалдаа, батлан хамгаалах, хууль сахиулах зэрэг салбарт хамтын ажиллагааг гүнзгийрүүлэн, үл ойлголцлыг багасгах, хэлэлцээг үргэлжлүүлэх шаардлагатай гэдэгт санал нэгдсэн байна.
Ши Жиньпин энэ оны тавдугаар сард Женевт болсон тарифын хэлэлцээрийг өндөр ач холбогдолтой гэж үнэлж, БНХАУ-ын зүгээс тохиролцоог нухацтайгаар хэрэгжүүлж буйг онцлон тэмдэглэжээ. Мөн АНУ-ыг хариу алхам хийхийг уриалсан байна.
Талууд Тайванийн асуудлыг хөндөж, Вашингтоны зүгээс хянамгай, мөргөлдөөн үүсгэхгүй байх хандлагатай байхыг Ши дарга онцлон анхааруулжээ. Мөн тэрбээр хоёр орны харилцаанд сөргөөр нөлөөлж буй арга хэмжээг зогсоохыг уриалсан байна.
Трамп утасны яриаг үр дүнтэй болсныг онцолж, Хятадын даргыг хүндэтгэдэг гэдгээ илэрхийлэн, хоёр тал хамтран ажилласнаар олон эерэг үр дүнд хүрнэ гэдэгт итгэлтэй байгаагаа мэдэгджээ.
Ярилцлагын төгсгөлд Ши Жиньпин Ерөнхийлөгч Трамп болон Тэргүүн хатагтайг Хятад улсад айлчлахыг урьсан бол Трамп ч мөн адил урилтаар хариу барьсан байна. Талууд Женевийн тохиролцоог хэрэгжүүлэх, ээлжит уулзалтыг зохион байгуулах талаар санал нэгдсэн юм.
Эх сурвалж: CIPCC
