2025 оны 6 дугаар сарын 5-ны шөнө 01:36 цагт Баянзүрх дүүргийн 9 дүгээр хорооны нутаг дэвсгэрт байрлах хоёр залгаа гэр шатаж, нэг том хүн, дөрвөн хүүхэд амиа алдсан харамсалтай хэрэг гарлаа.

Галын дуудлагын дагуу Нийслэлийн Онцгой байдлын газрын Гал түймэр унтраах, аврах 63, 10 дугаар ангийн алба хаагчид шуурхай ажиллан, 2 өрхийн 2 гэр, 1 байшингийн дээврийн хэсгийг унтрааж, нийт 96 м.кв талбайд гарсан галыг бүрэн унтраасан байна.

Галын улмаас:

• Насанд хүрсэн нэг хүн,

• Дөрвөн хүүхэд (бага насны) амь насаа алдсан бөгөөд,

• Хохирогчдын цогцсыг Цагдаагийн гуравдугаар хэлтэст шилжүүлсэн байна.

Хэрэг гарах үед тухайн айлд дулааны зориулалтаар цахилгаан халаагуур, хийн төхөөрөмж ашиглаж байсан тухай мэдээлэл байгаа ч албан ёсоор галын шалтгааныг тогтоохоор мэргэжлийн байгууллагууд ажиллаж байна.

Онцгой байдлын байгууллагаас иргэдийг галын аюулгүй байдлыг хангах, дулааны болон цахилгаан хэрэгслийг зөв, аюулгүй ашиглах, хүүхдийг хараа хяналтгүй орхихгүй байхыг онцгойлон анхааруулж байна.